АХТЫЛҔАН Печать    
Уххан тыллара

Мин иитиллибит Ийэ дойдубар
Мин биһикпин ыйаабыт түөлбэбэр
Оҕо сааһым оһуордаах бичигэ
Эдэр сааһым эрэллээх эрчимэ.

Хос ырыата:

Ааспат, арахпат ахтылҕан буолаҥҥын
Сүрэхпин сүүйэҕин, куппун тутаҕын
Ханна да буолларбын өрүү
Тиийиэҕим эйиэхэ –
Тиийиэҕим саҥаттан ахтан!

Ытык төрөөбүт сирим – Ырыа түөлбэм
Экчи тылбын биэрэбин – эргиллиэм!
Тохтор ырыам тоҕус кылыһаҕын
Томточчу эн эрэ толороҕун!

Хос ырыата.

Мин тапталым арылы алааһыгар
Мин сүрэҕим арчылыыр сылааһыгар
Ырыам тыла чэлгийэ тыргыллар
Ырам ырааһа күлүмнүү суккуллар.

Хос ырыата.

Мин төрөөбүт түбэм – сүрэҕим чопчута
Сир эргийэр киинэ – эн буолаҕын!
Дорҕоон доҕуһуол алыптаах кылаҕын
Хомоҕой хоһоон хомуһун тылаҕын!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).