САНАТТА Печать    
Петр Тобуруокап тыллара

Эн оргууй тыаһа суох хаамаргын
Ый тала устара санатта, санатта
Сылаастык уоскута кууһаргын
Сааскы тыал салгына санатта.

Килбиктик мичээрбит хараххын
Киэһээҥҥи кыым сулус санатта
Тапталы сипсийэр куоласкын
Чараас уу сүүрүгэ санатта, санатта.

Ый таала устара,
Сааскы тыал салгына,
Киэһээҥҥи кыым сулус,
Чараас уу сүүрүгэ
Санатта…Санатта...

Убураан умайар уостаргын
Угуттуур күн уота санатта,
Сүтэрсэр эрэйгэ сылдьарбын
Сүрэҕим ыарыыта санатта.

Килбиктик мичээрбит хараххын
Тапталы сипсийэр куоласкын
Убураан умайар уостаргын
Чараас уу сүүрүгэ санатта, санатта.

Киэһээҥҥи кыым сулус,
Чараас уу сүүрүгэ,
Угуттуур күн уота,
Сүрэҕим ыарыыта,
Санатта…Санатта...


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).