ОҺУОРДААХ ДОЙДУГА Печать    
Александр Дьячковскай - Саарын тыллара

Түһээммин чэпчэки санаабар
Тиийэбин оһуордаах дойдуга.
Күлүмнүү, дьэргэйэ
Сандааран көтөбүн-дайабын мин.

Ол онно билбитим тапталы,
Эппэтэх кистэлэҥ тылларыҥ
Иһиллэр билигин даҕаны:
Дууһабар киирбитэ, сүрэхпэр иҥмитэ...

Көҕөччөр соноҕос барахсан
Ахсым сүүрэрэ күүһүрэн,
Сулустан сулуска ыстанан
Оонньуура ый уотугар.

Дьиктитик харахпар көстөрө,
Дьиибэтик элэҥнээн ааһара.
Сибэкки оһуора хамсыыра,
Ыллыыра-туойара, үөрэрэ-көтөрө.

Ол онтон соһуйан эмискэ
Уһуктан олоро түспүтүм,
Олоҕум кистэлэҥ түүлүгэр
Көрсүбүт эбиппин мин.

Ол онно билбитим тапталы,
Эппэтэх кистэлэҥ тылларыҥ
Иһиллэр билигин даҕаны:
Дууһабар киирбитэ, сүрэхпэр иҥмитэ...


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).