АЛААС КЫЫҺА КЭРЭҔИН Печать    
В. Петров - Айыл тыллара

Хара тыаҕа хаххаламмыт
Хара саарба хаастардааххын,
Куула тыаҕа куота буспут
Моонньоҕоннуу харахтааххын,
Куруҥ тыаҕа саһан үүммүт
Дьэдьэн курдук имнэрдээххин,
Сир сүмэтин иҥэриммит
Уулаах отон уостардааххын.

Хос ырыата:

Алаас кыыһа, кэрэҕин,
Айылҕа мааны оҕотоҕун.

Улуу күөлүм долгунунуу
Толбоннурар суһуохтааххын,
Чараҥнарым хатыҥыныы
Наскылдьыйар таһаалааххын,
Сэргэх тэтиҥ сипсиэринии
Сэмэй, нарын сэһэннээххин,
Күнү туойар күөрэгэйдии
Күндү көмүс куоластааххын.

Хос ырыата.
Кыыһар кыһыл сардааналыы
Килбигийэ мичээрэргин,
Көлүкэчээн ньуурдарыныы
Күлүмүрдүү үөрэргин,
Сибэккилиин сэргэстэһэ
Кырдал устун хаамаргын,
Өрүү үөрэ, сэргэхсийэ
Таптыы көрө хаалабын.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".