ХАННА ЭРЭ КҮҮТЭР МИИГИН Печать    
А. Данилов тыллара, Александр Дунаев мелодията

Ханна эрэ күүтэр миигин
Сибэккилээх сырдык аан.
Ханна эрэ күүтэр миигин
Эйэҕэс, күлүүк кыысчаан.

Хос ырыата:

Арай ханнатын билбэппин
Сибэккилээх ол ааны.
Күнүн ахсын көрдүүбүн
Эйэҕэс күлүүк кыысчааны.

Мичээрдиэҕэ сылаастык
Түһүө роза иэдэһэр.
Миигин көрүө нарыннык,
Хараҕар тыгыа саһарҕа.

Хос ырыата.

Чугаһаан кэлэммин
Ууруом төбөбүн түөһүгэр.
Оҕолуу иһийэммин
Истиэм сүрэҕин үөрүүтүн.

Хос ырыата.

Оччоҕуна уоскуйуо
Күүстээх кистэлэҥ тапталым.
Дьолун булан сынньаныа
Тойон сүтүктээх сүрэҕим.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).