БУРУЙДААХ ҮҺҮ СААС

Петр Тобуруокап тыллара

Ийэтэ көһүттэ, көһүттэ...
Кыыһа суох. Кэлбэтэ, кэлбэтэ.
Тоҕотун ньургуһун эппэтэ,
Кэҕэ да билбэтэ.

Хос ырыата:

Буруйдаах үһү саас, үһү саас,
Сааскы күөх долгуна, долгуна.
Буруйдаах үһү саас, үһү саас,
Сааскы түүн дьалына!

Үрүҥ түүн тунаара уһунна,
Өрүүнчүк суох манна, суох манна...
Ханнатын сөрүүн тыал эппэтэ,
Сиккиэр да билбэтэ.

Хос ырыата.

Уол оргууй кыысчаанын кууспахтыыр,
Уот түөскэ кутаалыыр, кутаалыыр,
Тоҕотун кэрии тыа эппэтэ,
Күөх лабаа билбэтэ.

Хос ырыата.

Кыыс уолу умайа убуруур,
Суһуоҕа субуҥнуур, субуҥнуур...
Уой, уонна тугу да эппэппит,
Бэйэбит билбэппит.

Хос ырыата.