ЭН ЭРЭН, КӨРСҮӨҔҮҤ АНАЛГЫН Печать    
А. Дмитриев тыллара

Зал иһин толорор музыка,
Дьон бары үҥкүүгэ эргийэр.
Арай кыыс олорор муннукка,
Соҕотох санааргыыр, мунчаарар.
Кэтэһэр эрэнэр киһитэ
Атынныын сиэттиһэн кэлбитэ,
Көрбөккө таһынан ааспыта,
Үҥкүүгэ эргийэ киирбитэ.

Ол уола атыны таптыырын
Таайбата, букатын билбэтэ,
Сүрэҕэр соҕотох буоларын
Оо, хайдах этиэҕин булбата.
Ардыгар кыыс уоран ытыыра
Таптаабат ол уолу ыҥыра,
Ол эрэн эрэнэ күүтэрэ
Таптала дьолунан толоруон.

Бу бүгүн, бу манна билбитэ
Кинини аҥардас таптыырын.
Биир да күн үөрүүнү биэрбэккэ
Улахан таптала куоппутун.
Үөһэттэн хараҥа былыттан
Хойуутук таммахтар түһэллэр,
Дьоно суох уулусса устунан
Кыыс тахсан соҕотох өр хаамар.

Эн умун, санаама кинини,
Кини эн аналыҥ буолбатах.
Итэҕэй инники кэскилгин,
Эн эрэн, көрсүөҕүҥ аналгын.
« Төттөрү
 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".