ХОТУ КЫРААЙ ТУҺУНАН

Иван Гоголев тыллара

Хоту кыраай туһунан
Маҥан кырса кэриэтэ,
Маҥан таба кэриэтэ
Маҥан тылы эттэрбиэн.
Хоту кыраай туһунан
Күөх хомурах кэриэтэ,
Күөх ыйдаҥа кэриэтэ
Күп-күөх тылы эттэрбиэн.
Хоту кыраай туһунан
Кыһыл саһыл кэриэтэ,
Кыһыл талах кэриэтэ
Кыһыл тылы эттэрбиэн.

Хоту кыраай туһунан
Аалай ымыы кэриэтэ,
Аалай чолбон кэриэтэ
Аалай тылы эттэрбиэн.
Хоту кыраай туһунан
Мааны саарба кэриэтэ,
Мааны хатыҥ кэриэтэ
Мааны тылы эттэрбиэн.
Хоту кыраай туһунан
Хара харах кэриэтэ,
Хаарыан таптал кэриэтэ
Хаарыан тылы эттэрбиэн!

Хоту кыраай туһунан
Маҥан кырса кэриэтэ,
Маҥан таба кэриэтэ
Маҥан тылы эттэрбиэн.
Хоту кыраай туһунан
Күөх хомурах кэриэтэ,
Күөх ыйдаҥа кэриэтэ
Күп-күөх тылы эттэрбиэн.
Хоту кыраай туһунан
Кыһыл саһыл кэриэтэ,
Кыһыл талах кэриэтэ
Кыһыл тылы эттэрбиэн.