БАҔАРАХ

М.Софронова тыллара

Былыргы Баҕарах эн бүгүн
Аныгы сиэринэн тылынныҥ,
Былыргы Баҕарах эн бүгүн
Атыннык аналгын тутустуҥ.

Xос ырыата:

Баҕарах, Баҕарах барахсан
Баҕарар, дьулуһар мин сирим,
Баҕарах, Баҕарах барахсан
Баҕарар, дьулуһар мин сирим.

Кэнчээри ыччатыҥ дьон буолан
Кэмэ суох элбэх дьиэ тутунна,
Кэккэлээн түөлбэлээн олорон
Кэскиллээх олоххо үктэннэ.

Хос ырыата.

Эдэрдии эрчимнээх санаанан
Эдэр дьон үлэҕэ тиэтэйэр,
Оторой-боторой оҕолор
Оскуола дьиэ диэки сырсаллар.

Хос ырыата.

Киэһээтин сөрүүҥнэ бигэнэн
Кыыс оҕо саҥата эйээрэр,
Ол ырыа тылыгар иһиллэр
Олоххо, тапталга эрэнии.

Хос ырыата.