ГЕРОЙ ФЕДОР ПОПОВКА Печать    
Рафаэль Баҕатаайыскай тыллара

Өстөөххүн, Днепр тыалыныы,
Өһүөннүүр өскүнэн бурайан,
Дьоруо ат туйаҕын тыаһыныы,
Дорҕоонноох сураҕыҥ дуорайан.

Xос ырыата:

Өргөстөөх геройбут,
Эн тыыннаах Сүөдэргин —
Уруйдуу туруохпут
Кырдьыбат эдэргин!

Бүгүҥҥү ыччат дьон түстэрин
Төлкөлөөн охтубут буолаҥҥын,
Бүгүн да кинилэр түөстэрин
Төлөннүү турааччы уолаҥҥын.

Xос ырыата.

Бар дьонуҥ бэйэтин кытары
Эйигин баар курдук саныаҕа.
Үөрүүтүн, төлөнүн кытыаран,
Өрүүтүн туруору тардыаҕа.

Хос ырыата.

Чэлгийэр чараҥҥа ыллаһыаҥ,
Чэлгиэн күөх кырдалга кылыйсыаҥ,
Үрдүөҕүҥ үүнэр мас буолаҥҥын,
Өрүү да эн өлбөт дуолаҥҥын.

Хос ырыата.

Чаҕылҕан саҕыллан ылыыта
Чаҕылхай олоххун санатар —
Этиҥи кытары эргиллэн,
Эрдээхтик ньиргийэ туруоҥ эн!

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).