ТУЙААРЫМА Печать    
А. Бродников тыллара

Кийиит курдук килбигийэн
Кистээн көрөн ылбаккын,
Истиҥ бэртик мичилийэн
Илиис-хомус буолбаккын.

Хос ырыата:

Туйаарыма кэрэ кыыһым
Туналыйан таҕыстын,
Туһахталаах бастыҥалыын
Тулабытын сырдаттыҥ.

Саха наскыл таҥаһыныын
Саха кыыһа биэбэйиэм,
Сэлиэччиктээх-ырбаахылыын
Симэммитин кэрэтин.

Хос ырыата.

Кынталдьыйан, нуоҕалдьыйан
Кыталыкка маарынныыр,
Суһуоххунан долгуһуйан
Субу хаамтыҥ сайбаҥныы.

Түүлүм эбит буоллаххына
Түүлбэр куппун биэрэбин,
Таптыыр кыыһым буоллаххына
Таҥараҕа үҥэбин.

Хос ырыата.

Өйбүн-төйбүн умна сыһан
Өрүкүйэн таҕыстым,
Оннубуттан ойон туран
Омуннура таптаатым.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).