САһАРҔА ЫРЫАТА Печать    
Марфа Данилова тыллара

Күөх оту сиккиэр тыал үрэрэ,
Сиик уута бу тыалтан сүтэрэ,
Күөл ньуура дьиримнии күлэрэ,
Ол ууга саһарҕа түһэрэ.

Сарсыарда саһарҕа аалыыта
Сайылык саҕатын сандаарта,
Тулабар сибэкки хонуута
Ойуута-оһуора сырдаата.

Сэбирдэх уһуктан кэлиитэ,
Сир-дойду чэлгийэн көстүүтэ
Мин уйан дууһабын долгутта,
Сүрэхпин дьолунан сырдатта.

Доҕоруом, саһарҕа көстүүтэ
Хомускун нарыннык дьүрүһүт,
Үрүҥ күн үүнэрин көрсүһэ
Үөрүнньэҥ сүрэхпин мичилит.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).