ДЬИКТИЛЭР КЭМНЭРЭ Печать    
П. Слепцов тыллара

Олоҥхо тойугар буолбатах.
Олоҕуҥ аартыгар эн билиэҥ,
Сэгэриэм, итэҕэй, кэм кэлиэ,
Дьиктилэр кэмнэрэ эргиллиэ.
Дьиктилэр кэмнэрэ кэтэһэр
Эн суолгар күндээрэр күн буолан,
Дьиктилэр кэмнэрэ бу иһэр
Дьиэрэҥкэй үҥкүүлээх кыыс буолан.

Дьиктилэр кэмнэрэ эргиллэр
Дойдубар ылааҥы саас буолан,
Ахтыбыт ийэккэм барахсан
Алыптаах мичээрин санатан.
Дьиктилэр кэмнэрэ баар буолан
Чараҥҥа тапталбыт кэтэһэр,
Сибэкки сырдыкка талаһан
Алааспын киэргэтэ симэнэр.

Дьиктилэр кэмнэрин эн билиэҥ
Саһарҕа саҕахха кыыһыыта,
Сарсыарда уһуктар айылҕам
Саймаарар ырыанан туолуута,
Дьиктилэр кэмнэрин эн бэйэҥ
Сүрэҕиҥ төлөнө арыйыа,
Оччоҕо бар дьоҥҥор — бэлэҕиҥ
Эн ырыаҥ тыллара айыллыа.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).