КҮН КӨМҮС ИЙЭБЭР Печать    
И. Алексеев тыллара

Күн сирин кэрэтин көрдербүт
Үйэбэр төлөммөт иэстээххин,
Ыраах да ыҥыра күлүмнүүр
Киэҥ суолбар киллэрэн биэрбиккин

Оо, хайдах умнуомуй,
Күн көмүс ийэкээм!

Үлэҕэ, кэрэҕэ дьаныары,
Дойдуга маҥнайгы тапталы,
Эр санаа дьулуурдаах тэтимин
Эн миэхэ харыстаан ииппитиҥ

Оо, күүһүн эбитин,
Күн көмүс ийэкээм!

Ол иһин, ол иһин бадаҕа,
Дьыл-хонук силлиэтин, ардаҕын,
Дьон тылын, чиҥ-дьиппиэ хайҕалын
Уйар дии, уйуоҕа мин санным,

Оо, мин дьоҕус санным,
Күн көмүс ийэкээм!

Биһиги олохпут чэлгиэнэ
Кэхтэри, төннөрү билбэтин,
Тулуурдаах сүрэҕиҥ эрчимэ
Эн сиэниҥ түөһүгэр тэбиэхтин,

Үйэ-саас тэбиэхтин,
Күн көмүс ийэкээм!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).