САЙСАРЫ КЫТЫЛА Печать    
М. Тимофеев тыллара

Санаа, сылаа таһаара
Киэһэ киирэн хаамарга
Сайсарыбыт биэрэгэ,
Санаа хоту, оо кэрэ!..
Күндүл чуумпу уутугар
Күлүк түһэр дьиэлэртэн.
Оттон уҥуор кус устар,
Солко лента суол хаалар.
Сүөгэй курдук манньыта
Сөрүүн салгын илгийэр.
Көбүс-көнө аллея
Көстө түһэр иннибэр.

Устудьуоннар бэйэбит
Олорпуппут мастарын,—
Онтуктарбыт түргэнник
Улааппыттар бу бары.
Үрдүк халлаан, күөх хонуу,
Үмүөрүһэр сулустар,
Чуумпу куорат, сааскы уу -
Миэхэ бары чугастар...
Хааман иһэн мин санаам
Ханна-ханна тиэрдэрий?—
Экзаменнар, семинар,
Иэйэр муза, лирика...

Ааҕан ситэр биллибэт,
Араас өйгө охсуллар:
Тыыннаах курдук сүүрэллэр
Тырымнаһар хонуктар...
Олох устар долгуна
Сүүрүгүрэр сүрэххэ,
Күүскэ үөрдэ, долгута
Көмүс тыллар көтөллөр.
«Санньы курус ырыалаах
Соҕотоҕун сылдьабын,
Хаһан эмэ ханыылаах
Манан хаамар буолабын?..»


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).