БАҔАРАР ЭТИМ СААС САНДААРА ЧАҔЫЛЛЫАН Печать    
Василий Гольдеров тыллара

Баҕарар этим саас сандаара чаҕыллыан—
Тулам барыта сайаҕас санааланыан.
Баҕарар этим самаан сайын күөгэйиэн,
Сир-дойду унаара, чэлгийэ симэниэн.
Баҕарар этим чыычаах көрүлүү туойуон,
Көтөр-сүүрэр сымнаҕас уйа туттунуон.
Баҕарар этим мин эйиэхэ соргуну,
Баҕарар да этим, билбэккин ол ону.

«Ситиһиилээхтик онуһун бүтэрдэр»,— диэн
Сибигинэйэр этим сибэккилэргэ...
Үрдүк үөрэххэ атаарбыт күннэригэр
Махтана хаалбытым үрүҥ күммүтүгэр.
Үөрэххин бүтэрэн үлэлии кэлбиккэр
Үөрүүбүн биллэҕэ Аммабыт үрэҕэ,
Арай ыал буоларга тиэтэйбэт курдугуҥ,
«Аналлаах, көһүн»,— диэн мин алгыыр буоларым.

Аналыҥ көстүбүт... Барбатым уруугар...
Айманна мин дууһам... Баалаама, бырастыы...
Таспар таһаарбатах маҥнайгы тапталыам,
Табылын олоххор: таптат дуу аналгар...
Баҕарар этим саас сандаара чаҕыллыан,
Тулам барыта сайаҕас санааланыан.
Баҕарар этим самаан сайын күөгэйиэн,
Сир-дойду унаара, чэлгийэ симэниэн!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".