БАСТАКЫ ХААР СЫЛААС НУОЛУРА Печать    
Савва Тарасов тыллара

Киҥкиниир киэҥ халлаан
Анныгар тураммын,
Этэбин мин таптал
Иэйинньэҥ тылларын.

Хос ырыата:

Дууһабар эн ыллаа,
Дууһабар эн сырдаа,
Бастакы хаар сылаас нуолура.

Күөхтэн мин салҕаммын
Күрэнэ иликпин,
Ол эрэн ахтылҕан
Олуһун билэбин.

Хос ырыата.

Мин хаары суохтуубун,
Хаары мин күүтэбин,
Хаарынан суунаммын
Харахтыын сырдыыбын.

Хос ырыата:

Аан дойдум барахсан
Аатыран тупсааччы,
Улуутук налыйан
Уоскуйан сытааччы.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).