КЭҔЭ Печать    
Иван Гоголев тыллара, Марфа Данилова мелодията

Нарын хомус тыаһын курдук
Наҕыл киэһэ намылыйда.
Үрүйэ үрдүгэр чуордук
Кэҕэ этэн чоргуйда.

Кук-куук!
Кук-куук!

Аҕам чуумпу сылаас дьиэтин,
Сайылыкпын санаатым.
Сүрэхпинэн сэрэйдим
Алаадьы, буруо сытын.

Кук-куук!
Кук-куук!

Онно, колхоз титиигэр,
Кулуннаах биэ иҥэрсийэр.
Оруктаах тиит үрдүгзр
Ыраах кэҕэ кэҕийэр.

Кук-куук!
Кук--куук!

Туос ыаҕаһы тоҥолоҕор
Иилинэн, аар хатыҥҥа
Өйөнөн, биир кыыс оҕо
Истэр ону үүт турааҥҥа.

Кук-куук!
Кук-куук!

Уоттаах таптал сыралҕаннаах
Киэһэлэрин кини өйдүө,
Баҕар,түһээн, ачалаах
Алааска уолун көрсүө.

Кук-куук!
Кук-куук!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).