САХА ХОРСУН БУОЙУННАРА Печать    
Г. Борисов тыллара

Уруй буоллун, уот балысхан,
Уордаах сэрии сорун көрбүт,
Сиэмэх фашист үөрүн кыайан
Дойдуларыгар төннүбүт-

Хос ырыата:

Саха хорсун буойуннара,
Чулуу Ньургун Боотурдара!

Сахалартан бааллар эбээт
Үйэлэргэ өйтөн сүппэт
Охлопковтар, Кондаковтар,
Чусовскойдар, Поповтар-

Хос ырыата.

Дьыл-күн устар баалларыгар,
Дьылҕа тыйыс суолларыгар
Тыыннаах тиийэн, ахсааннаахтар
Юбилейы айхаллыыллар-

Хос ырыата.

Ол да буоллар, санаарҕаамаҥ,
Сүөм түһүмэҥ, уҕараамаҥ,
Үөрүҥ-көтүҥ, кыайыылаахтар,
Өрөгөйдүүр аналлаахтар-

Хос ырыата.

Умнумуоҕуҥ кыргыһыылар
Хааннаах кырыыс буордарыгар
Күн сириттэн арахсыбыт,
Кыайыы күнүн аҕалсыбыт-

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).