САХАМ СИРЭ Печать    
Степан Дадаскинов тыллара

Хара харах көрөрө,
Хатан кымыс көөнньөрө,
Оһуор анньыы уустуга,
Оһуохайбыт тойуга —
Сахам сирэ,
Сахам сирэ.

Ньургуһуммут үүнэрэ,
Сардаанабыт ситэрэ,
Кыыллаах арыы ырыата,
Кыталыкпыт үҥкүүтэ —
Сахам сирэ,
Сахам сирэ.

Сайын түптэ буруота,
Сайылыкпыт салгына,
Отон, бурдук буһуута,
Оһуохайбыт дуораана —
Сахам сирэ,
Сахам сирэ.

Сайаҕастык саҥарыы,
Сайдыы, үүнүү, барҕарыы,
Көмүс, алмаас күлүмэ,
Үлэ, үөрэх күргүөмэ —
Сахам сирэ,
Сахам сирэ.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).