ХОДУҺА Печать    
Г.Борисов тыллара

Сайа охсон саймаарытан
Салгын тоҕо ырааһай?
Кэбиһиилээх отторунан
Киэптээн көстөр ходуһа.

Төһө элбэх оту манна
Туруораннар барбыттарын,
Көрө түһээт тутатына
Кыайан ситэн аахпаккын.

Хонуу иэнэ кубарсыйар
Хагдарыйбыт отунан,
Сыһыы иэнэ үөһэ тыынар
Сөрүүн чэбдик тыалынан.

Төһө элбэх оту манна
Туруораннар барбыттарын,
Көрө түһээт тутатына
Кыайан ситэн аахпаккын.

Ол онно ойуур быыһыгар
Отоннууллар быһыыта,
Кырыымпалыы лыҥкынатар
Кыыс алыптаах ырыата.

Ким ыллыырын билэр буолан
Күлэ-үөрэ хаамабын.
Күннэйчээнэм барахсаны
Көһүтэрин таайабын.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).