СУОППАР ЫРЫАТА Печать    
Иван Гоголев-Кындыл тыллара

Тыаллыын тэҥҥэ ким сырсарый?
Суоппар, суоппар, ол суоппар,
Сүүстүү көһү ким тыырарый?
Суоппар, суоппар, ол суоппар.

Хос ырыата:

Буор да суоллар, таас да суоллар
Бурҕайаллар, оргуйаллар,
Сарсын онно, бүгүн манна
Суоппар куруук айаҥҥа.

Ала дьоруо аттаахтары
Аара ситэн ааһабын,
Эрэй курдук сатыылары
Кабинабар ылабын.

Хос ырыата.

Кенө суоллар, токур суоллар
Сахсыйаллар, сылаталлар,
Куйаас буолар, дьыбар буолар,
Суоппар син биир тулуйар.

Xос ырыата.

Көлүөһэчээн-төгүрүкчээн
Миэнэ көтөр кынатым,
Ыстаал мотуор ньириликээн
Миэнэ иккис сүрэҕим.

Хос ырыата.

Ыраах суоллар, чугас суоллар
Ыҥыраллар, утуйаллар,
Тиэрдиҥ, тиэрдиҥ чулуу дьолбор
Тиэрдиҥ таптыыр доҕорбор.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).