СЭРИИ СЫЛЛАРЫН ОҔОЛОРО Печать    
Е.Яковлева тыллара

Уоттаах сэрии сыллара
Олохпутун долгуппута,
Оҕо сааспыт уйгутун
Сут кураан аймаабыта.

Кыра сылдьан билбиппит
Кутурҕаны, өлүүнү,
Чэҥ-муус тымныы хотоҥҥо
Тымтык тутан көдьүүстүүрү.

Этэрбэспит элээмэтин
Киэргэл курдук харыстыырбыт.
Кииһилэлээх хааһыны
Күндү аһынан ааттыырбыт.

Ийэлэрбитин батыһан
Илии-атах буоларбыт,
Аҕаларбытын кэтэһэн
Айан суолун маныырбыт.

Кыайыы туһугар биһиги
Кылааппытын киллэрбиппит,
Куолас хомуйан, сир астаан
Куоталаһар буоларбыт.

Хоргуйууну тулуйаммыт
Хоодуот буолан улааппыппыт,
Аҕаларбытын ааттатан
Алаһа дьиэ тэриммиппит.

Ытык-мааны кырдьаҕастар
Ыалдьар диэни билинимэҥ,
Сэрии кэмин оҕолоро
Санааҕытын түһэримэҥ.

Сыллар, күннэр ааһыахтара,
Сыһыан-майгы уларыйыа,
Олохпут киэҥ аартыгар
Оҕолорбут тахсыахтара.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".