АЙЫЫҺЫТ ЫТАБЫЛА Печать    
Умсуура тыллара

Мин Аан-Алахчын буолан
Аар хатыҥҥа хорҕойуом,
Чараас сүрэхтэрбинэн
Сэлибирии хоргутуом.

Оо, Сахам кэнэн дьоно!
Сир иччитин хаһааҥҥыттан
Өбүгэҕит аһыы уунан
Айах тутар буолбутай?

Аһыы ууга суудайаҥҥыт
Чорооҥҥутун түҥнэрдигиэт?!
Өйгүт дуомун сүүйтэрэҥҥит
Сиэри-туому тумуннугуот?!

Тоҕо аартык кэрэҕэ
Саламата сэдэҕэй?
Саҥа киһи сууйуута —
Саламаата астамматай?

Сэти-сэлээни умнубут
Ханнык бороҥ урааҥхай
Бөх тоҕор чабычахха
Чараҥнарбын кубулутта?!

Оо, Сахам кэнэн дьоно!
Сир иччитин хаһааҥҥыттан
Өбүгэҕит аһыы уунан
Айах тутар буолбутай?


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).