ДЬОКУУСКАЙГА КӨРСҮБҮППҮТ Печать    
Степан Дадаскинов тыллара

"Дьокуускайга көрсүбүппүт,
Дьолбут күнүн көрбүппүт",
Инньэ дииллэр Халымаҕа,
Индигииргэ, Дьааҥыга
Оргууй аҕай чэй иһэр
Оҕонньордоох эмээхсин.

"Тапталлаахпын Дьокуускайга
Таба көрөн ылбытым", —
Диэн этиэҕэ Горнайга
Дьиэлээх аҕа, хаһаайын,
Эмиэ оннук кэпсиир дии
Эдьигээҥҥэ эдьиийим.

"Дьокуускайбыт иһэппитэ
Дьиҥнээх таптал мүөтүттэн", —
Дииллэр үөрэр-манньыйар
Дьэдьэн имнээх ыччаттар —
Алдаҥҥа учууталлар,
Анаабырга эмчиттэр.

"Дьокуускайга көрсүбүппүт
Дьолбут күнүн көрбүппүт", —
Сити курдук диэтиннэр,
Сипсийэннэр эттиннэр
Кэлэр кэммит кыысчаана,
Кэлэр кэммит уолчаана.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).