САХА ДЭТЭР АНАЛЫМ Печать    
Н. Аржакова–Иванова тыллара

Соҕотох айанньыт дьылҕатын
Анаабыт эбиттэр айыылар.
Сындаалаах олоҕум аргыһын
Соргулаах үс куту иҥээртэр.

Хос ырыата:

Уйан кутум, сэмэй кутум —
Алаас нарын сибэккитэ.
Модун күүһүм үс кутум —
Саха дэтэр аналым.

Килбик кут кэрэ кыыс таптала,
Кырдьаҕас кэриэһин сүбэтэ,
Ийэ дьоло, оҕо үөрүүтэ —
Удьуорум салҕанар утаҕа.

Хос ырыата.

Үөһэттэн айдарбыт аналым
Бу сиргэ олорор мөккүөрүм,
Өй-санаа түмүллэр дьалкыыра
Иһийии модун күүс ньиргиэрэ.

Хос ырыата.

Хомуһум алыптаах ырыата,
Олоҥхом уостубат тэтимэ
Иэйиэхсит эҥэрдээх сылдьаҕын,
Сахалыы нарыҥҥын-намчыгын.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).