НЬУРГУҺУН ИККИСТЭЭН ТЫЛЫННА Печать    
Н. Аржакова-Иванова тыллара

Ыарыыттан буолбатах тапталтан
Нүөлүйдэ, мөҕүстэ сүрэҕим,
Соһуччу көрүстүм эйигин
Күүппэтэх хойукку тапталбын.

Хос ырыата:

Ньургуһун иккистээн тылынна,
Саһархай өҥүнэн оонньоото,
Күөрэгэй дьырылыы ыллаата,
Кэнчээри алааспар чэлгийдэ.

Сарсыҥҥы тапталбар эрэлим
Кырата бэрдиттэн сөҕөбүн.
Көмүлүөк оһоҕу күөдьүтэр
Аналбыт албынын өйдүүбүн.

Хос ырыата.

Уматта, аймаата, долгутта
Сааһырбыт тапталым иэйиитэ.
Алыптаах үөрүүнэн нүөлүйэн
Эдэрбин иккистээн эргиттим.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).