ХОМУС ТУҺУНАН ЫРЫА Печать    
Христофор Горохов тыллара

Ырыа сааскы кэҕэлэрдиин
Күрэстэһэр үөрүүтүгэр
Тулам бүттүүн, күндүл күөхтүүн
Киирэр саха үҥкүүтүгэр.
Дьүрү-дьүрү, дьүр,
Дьүрү-дьүрү, дьүрү-дьүрү, дьүр,
Үчүгэйиэн, дьүрүһүйэн.
Дьүрү-дьүрү, дьүр,
Дьүрү-дьүрү, дьүрү-дьүрү, дьүр,
Ыллаа миэхэ, хомус, иэйэн!

Күндүл куба долгуннарга
Оһуор көмүс ытарҕалыы —
Күммүт чаҕыл утахтара
Түмүстүлэр дьиэрэҥкэйдии.
Дьүрү-дьүрү, дьүр,
Дьүрү-дьүрү, дьүрү-дъүрү, дьүр,
Үчүгэйиэн, дьүрүһүйэн.
Дьүрү-дьүрү, дьүр,
Дьүрү-дьүрү, дьүрү-дьүрү, дьүр,
Ыллаа миэхэ, хомус, иэйэн!

Оҕо сааһым ыра гыммыт
Олоҥхотун баарыһыныы —
Сулуһунан күлэр түүммүт
Кууһан ылар дьолтон сымныы.
Дьүрү-дьүрү, дьүр,
Дьүрү-дьүрү, дьүрү-дьүрү, дьүр.
Үчүгэйиэн, дьүрүһүйэн.
Дьүрү-дьүрү, дьүр,
Дьүрү-дьүрү, дьүрү-дьүрү, дьүр,
Дьоллоо миигин, хомус, иэйэн.

Ити курдук иэйии бары
Илбиһинэн тыына турдум.
Илин, арҕаа, омук аайы
Бэлэхтээри өрө ууннум!
Дьүрү-дьүрү, дьүр,
Дьүрү-дьүрү, дьүрү-дьүрү, дьүр,
Үчүгэйиэн, дьүрүһүйэн.
Дьүрү-дьүрү, дьүр,
Дьүрү-дьүрү, дьүрү-дьүрү, дьүр,
Дьоллоо миигин, хомус, иэйэн!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).