УЧУУТАЛ ЫРЫАТА Печать    
Варвара Макарова тыллара

Сороҕор соҥуоран олорон
Кэннигин хайыһан көрөҕүн,
Олоҕуҥ ыратын толорон
Үйэҕин эн хайдах моҥоотуҥ?

Хап-хара сып-сытыы харахтаах
Кып-кыра хатыҥыр уолчааныҥ
Бу луохтуур — иннигэр олорор
Эйигин өлүүттэн быыһаары.

Эрбэйбит-сэрбэйбит кыысчааныҥ
Дьэ бүгүн бэртээхэй учуутал,
Эн сиэҥҥин, мин сиэммин үөрэтиэ
Үрдүккэ-кэрэҕэ кынаттыа.

Оо, элбэх, — ааҕаҥҥын сиппэккин:
Инженер, наука доктора,
Аатырбыт ыанньыксыт, министр,
Тутааччы, директор, депутат.

Учуутал үлэтин түмүгэ —
Олохпут сайдыытын төрүтэ,
Кырдьаҕас учуутал сүрэҕэ
Ол онтон дуоһуйа тэбиэҕэ.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).