САРДААНА Печать    
Иван Федосеев тыллара

Билэҕиэн, кыыс курдук кэрэҕин,
Сардаана, сандаарар сибэкки,
Бу намыын мин Аммам үрэҕин
Кытылын таптыыр да эбиккин.

Эйиэхэ сарсыарда таммах уу
Чөмчүүк таас киэргэллии иилистэр,
Күн көмүс уотугар оонньуурдуу
Күндээрэ, чаҕылла илгистэр.

Биһиккэ оҕотун саататар
Күн күбэй ийэни саната,
Тыал аргыый эйиигин бигиирдии
Нуурата, нусхата хамсыыр дии.

Ардыгар кыыс оҕо тапталтан
Кыбыстан кытаран хаалааччы,
Оттон эн, сардаана, сарыалтан
Кыыс курдук кыыһаҕын дьиҥ-чахчы.

Сардаана, сардаана барахсан,
Сиэдэрэй сибэкки эбиккин.
Ол иһин даҕаны саас ахсын
Симэх от буолаҥҥын үүнэҕин.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).