БҮГҮН ЫЛЛЫЫР ЫРЫАБАР Печать    
Семен Данилов тыллара, Денис Данилов мелодията

Бүгүн ыллыыр ырыабар
Бүлүү налыы сыһыытын,
Халлааннарбар тайанар
Харыйалаах күөх тыатын
Хоһооннорбор холбооммун
Хоһуйарга соруннум.

Бүтэй Бүлүү ньууругар
Бүгүн үүнэр, сандаарар
Тутууларын хоһуйар
Дьоллоох көҥүл ырыабар
Бүлүү дьонун эйэҕэс
Мөссүөннэрө көстүөҕэ.

Бүгүн ыллыыр ырыабар
Бүлүү көмүс долгуна,
Кырасыабай сарыала,
Кымыс тэҥнээх салгына
Кэрэхсэтэр , киэргэтэр
Килбиэн буолан киирдилэр,

Бүгүн туойар хоһоонум
Бүлүүлэрдии хоһуллан,
Совхоз дьоно — мин дьонум
Хоһоонугар холбоһон,
Баҕарабын мин ырыам
Бурдук быһа барсыһыан.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).