ЫЙДАҤА ТҮҮН Печать    
П. Кобяков тыллара

Килбик кыыстыы кистии саба
Кэтэһимэ ый миигин,
Таптыыр сүрэх далбарайын
Сэгэртэйбин күүтэбин.

Хата сырдат туналыйа
Сэгэртэйбэр суол ыйа.

Эппит тылбын истибиттии
Ыйым көрдө мичээрдии,
Сырдык санаам кынаттанан
Тапталлаахпар таласта.

Сэгэртэйиэм, кэлиий, кэлиий
Таптыыбын, — диэн үөрдээриий.

Түүҥҥү сиккиэр мэник тыала
Мин кулгаахпар сипсийдэ:
- Иһэр нарын тапталлааҕыҥ,
Аара ситэн аастым, - диэн

Кэрэ хатыҥ миигин кытта
Тэҥҥэ үөрэн суугунаа.

Дьоллоох үөрүү мичээринэн
Мин түөспүн сылаанньыта,
Эдэр сүрэх кистэлэҥнээх
Таабырынын таайтара.

Көһүтүүлээх күндү киһим
Иһэр эбээт сэгэрим.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).