.RU
Карта сайта

3.3. Устав Святого князя Володимира, крестившаго Русьскую землю, о

Во имя отца, и сына, и святого духа. 2.

Се яз, князь Василий, нарицаемы Володимир, сын Святославль, внук Игорев, блаженыя княгини Олгы, въсприял есмь святое крещение от грецьскаго царя й от Фотия патриарха царегородьского, взях пьрва- го митрополита Леона Киеву, иже кьрсти всю землю Русьскую святымь крещеньемь. 3.

По томь же летом многым минушем создал церковь святыя Богородица Десятиньную й дал ей десятину по всей земли Русьстеи ис княжения в сборную церковь от всего княжа суда десятую векшю, а ис торгу десятую неделю, а из домов на всяко лето от всякого стада и от всякого жита чюдному Спасу и чюднеи его матери. 4.

По томь разверзъше грецьскькым номоканон и обретохом в немь, оже не подобаеть сих судов и тяжь князю судити, ни бояром его, ни судьям. 5.

И яз, съгадав с своею княгинею с Анною и с своими детми, дал есмь ты суды церквам, митрополиту и всем пискупиям по Русьскои земли. 6.

А по семь не надобе въступатися ни детем моим, ни внучатом, ни всему роду моему до века, ни в люди церковные, ни во все суды их. 7.

То все дал есмь по всем городом и по погостом, и по свободам, где нъ суть християне. 8.

И своим тиуном приказываю церковнаго суда, не обидети ни судити без владычня наместника. 9.

А се церковнии суди: роспуст, смилное, заставанье, пошибанье, умычка, промежи мужем и женою о животе, в племени или в сватьстве поймуться, ведьство, зелииничьство, потвори, чародеяния, волховова- ния, урекания три: оляднею и зельи, еретичьство, зубоежа, или сын отца бьеть, или матерь, или дчи, или снъха свекровь, братя или доти тяжються о задницю, церковная татба, мертвеци сволочать, крест посекуть или на стенах режють, скот или псы, или поткы без великы нужи въведет, или ино что неподобно церкви подееть, или два друга иметася бити, единого жена иметь за лоно другаго и роздавить, или кого застануть с четвероножиною, или кто молиться под овином, или в рощеньи, или у воды, или девка детя повьржеть. 10.

Те все суди церкви даны суть. Князю и бояром и судьям их в ты суды нельзе въступатися. 11.

То все дал есмь по пьрвых царев уряженью и по вселеньскых святых семи зборов великых святитель. 12.

Аже кто преобидить нашь устав, таковым непрощеным быти от закона божия и горе собе наследують. 13.

А своим тиуном приказываю суда церковного не обидети и с суда давати 9 частии князю, а 10-я святей церкви. 14.

А кто пообидить суд церковний, платити ему собою, а перед богомь тому же отвечати на страшном суде пред тмами ангел, иде же когождо дела не скрыються благая или злая, иде же не поможеть никто же кому, то токмо правда избавить от вторыя смерти, от вечныя мукы, от хрещения неспасенаго, от огня негасимаго. Господь речче: в день месть въздамь сдержащим неправду в разуме, тех огнь не угас- неть и червь их не умреть, створшим же благая — в жизнь и в радость й неизреченную. А створшим злая в въскрешенье суда, им же рече, неизмолим суд обрести. 15.

Еже искони уставлено есть и поручено святым пископьям городь- скые и торговые всякая мерила и спуды извесы, ставила, от бога тако искони уставлено пискупу блюсти бес пакости, ни умалити, ни умножити, за все то дати ему слово в день суда великаго, яко же и о душах человеческах. 16.

А се церковные люди: игумен, поп, дьякон, дети их, попадия и кто в клиросе, игуменья, чернець, черница, проскурница, паломник, лечець, прощеник, задушьныи человек, стороник, слепець, хромець. Манастыреве, болнице, гостинници, странноприимнице. 17.

То люди церковные, богадельные, митрополит или пискуп ведает межи ими суд, или обида или котора, или вражда, или задница. 18.

Аже будеть иному человеку с тымь человекомь речь, то обчии суд. 19.

Кто преступить си правила, яко же есмы управили по святых отець правилом и пьрвых царев управленью, кто иметь преступати правила си, или дети мои, или правнучата, или в котором городе наместник или тиун, или судья, а пообидять суд церковный, или кто иныи, да будуть прокляти в сии век и в будущии семию зборов святых отець вселеньскых.

Хрестоматія з історії лержави і права України: У 2 т. — К., 1997. — Т. 1. — С. 39—41.

2014-07-19 18:44

  • Контрольная работа
  • Контрольная работа
  • Контрольная работа
  • Контрольная работа
  • Контрольная работа
  • Контрольная работа
  • Контрольная работа
  • Контрольная работа
  • Контрольная работа
  • Контрольная работа
  • Контрольная работа
  • Контрольная работа
  • Контрольная работа
  • Контрольная работа
  • Контрольная работа
  • Контрольная работа
  • Контрольная работа
  • Контрольная работа
  • Контрольная работа
  • Контрольная работа
  • Контрольная работа
  • Контрольная работа
  • Контрольная работа
  • Контрольная работа
  • Контрольная работа
  • © sanaalar.ru
    Образовательные документы для студентов.