Күндү ыалдьыт!

Саха киһитэ ыллыырын эбэтэр ырыа истэрин сөбүлүүр. Санааргыыр-санньыйар да, үөрэн-көтөн өрөгөйдүүр да кэмнэригэр, соҕотохсуйдаҕына эбэтэр күргүөмнээн дьону кытта да алтыстаҕына ырыата суох сатаммат. Үгүс киһи ырыа ыллыан баҕардаҕына матыыбын билэр, онтон тыл өттүгэр мэлигир буолан тахсааччы. Онтон сиэттэрэн үөрүүгэ-көтүүгэ, түмсүүгэ сылдьан ыллаабакка хаалааччы.

Сахам дьонугар туох эмит туһалааҕы оҥордорбун, санааны кынаттыыр, сүргэни көтөҕөр сахалыы ырыалары үйэтитиигэ кыттыстарбын уонна интернекка хомуурунньук оҥорбут киһи диэн санаммытым ырааппыта. Санаабыт санаам, баҕарбыт баҕам олоххо киирэригэр өйөбүл буолбут Саха Республикатын ырыаны айааччыларын союһугар (председатель Алексей Васильевич Егоровка) уонна таптыыр кэргэммэр Qwerга барҕа махталбын тириэрдэбин. 

Бу саайтка сахалыы ырыалар араас ырыанньыктартан,  ырыа айааччылар хомуурунньуктарыттан талыллан, сааһыланан киирдилэр. Үгүс матырыйаалы Саха Республикатын ырыаны айааччыларын союһа биэрдэ уонна инникитин биһигинниин өрүүтүн бииргэ буолан бу бырайыакпытыгар өйөһүө, көмөлөһүө.

Онон бу саайт дьон-сэргэ ырыа тылын үһү-домох курдук буолбакка дьиҥ баарынан туһанарыгар көмө буолуо диэн эрэнэбин.

Сахалыы ырыаны таптааччылары, ырыанан умсугуйааччылары Ырыа кырдалыгар ыҥырабыт!

 

Синильга  Sinilga69@mail.ru

 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).