МИН ЫРЫА КЭҺИИЛЭЭХ КЭЛИЭҔИМ Печать    
Степан Дадаскинов тыллара

Мин ырыа кэһиилээх кэлиэҕим
Алааспар, тумара толооммор,
Үөрүүбүн ырыанан кэпсиэҕим
Үтүөкэн үлэһит бар дьоммор.

Иһиллиэ мин ыллыыр ырыабар
Туруйа ахтылҕан тойуга,
Эҥсиллиэ мин иэйэр дууһабар
Элиэнэм битийэр долгуна.

Мин түөспэр тайҕам үөр чыычааҕа
Уйаны туттунар, ыллыыллар,
Төрут буор угуттуур сылааһын —
Төлөннөөх тапталы туойаллар.

Үтүөкэн дойдубун хоһуйар
Үрдүкэй аналлаах эбиппин,
Кининэн киэн туттан олорор
Кэрэ да дьылҕалаах киһибин!

Мин ырыа кэһиилээх кэлиэҕим
Алааспар, тумара толооммор,
Үөрүүбүн ырыанан кэпсиэҕим
Үтүөкэн үлэһит бар дьоммор.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).