ҮРҮҤ ТҮҮН Печать    
Н. Харитонов тыла

Үчүгэй ырыа курдук
Үрүҥ түүн намылыйар,
Айылҕа уу чуумпутук
Уоскуйан наҕылыйар.

Хос ырыата:

Хаарыаннаахай үрүҥ түүн
Хайдах курдук күндүгүн,
Сиргэ олох үөрүүтүн
Санатаҕын өрүүтүн.

Үрүҥ түүн үрүлүйэр
Устар кини улуутук.
Ийэ сир мичилийэр
Иэйэ тыынар холкутук.

Хос ырыата:

Сиргэ олох үөрүүтүн
Санатаҕын, үрүҥ түүн,
Сырдык ырыа буолаҥҥын
Сүрэхпитин үөрдэҕин.

Үтүө санааны саҕар
Үрүҥ түүннэртэн үөрдүм.
Доҕоччугуом хараҕар
Дьол кустугун мин көрдүм.

Хос ырыата:

Хаарыаннаахай үрүҥ түүн
Хайдах курдук күндүгүөн
Сиргэ олох үөрүүтүн
Санатаҕын өрүүтүн.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".