КЭРЭТИК ДАҔАНЫ ИҺИЛЛЭР ЭБИТТЭР Печать    
Наталья Борисова тыллара

Төрөөбүт мин дойдум
Сирдэрин ааттара:
Хараанай, Өлгөөкү, Тэппэнээк,
Суон үрэх, Таарбаҕан, Куталаах,
Маанылаах Ытык Сир
Күөх эбэ мырааммыт,
Дьэдьэннээх Атыйах Алааһа,
Күөх сугун суорҕаннаах
Кэрэ Сыҥ Үрүйэ,
Минньигэс соболоох Бэлэнтэй,
Киэҥ бурдук сирдэрдээх
Арҕаа Күөл,
Солко күөх оттордоох
Дириҥ күөл,
Угуттаан аһатар эбэбит
Тииттээх Күөл,
Мааны сир Маалтааны,
Үтүө сир Нөмүгү,
Хатыҥнаах чараҥнаах Чыбахчы,
Өҥ-быйаҥ, хочобут Эркээни,
Тапталлаах эбэбит-
Өлүөнэ өрүспүт
Түҥ былыр бу манна.
Эркээни эбэҕэ,
Сахалар мустаннар
Ыһыаҕы ыһаннар
Салама ыйааннар,
Оһуохай оонньооннор
Бу сири сөбүлээн
Олорбут эбиттэр.
Бэл Тыгын кырдьаҕас
Кытаанах Кырдалга
Кыстыктаах буолара.
Хаан-уруу дьонунуун,
Халыҥ, үөр сүөһүтүн,
Сыспай үөр сылгытын
Сыһыынан, хонуунан
Иитээхтээн олоорто.
Бу сири сөбүлээн
Алгыстаах тылынан
Арчылаан,
Көп суорҕан оҥостон
Кыраман дойдуга
Үйэ-саас барбыта…
Төрөөбүт төрүт буор сирбиттэн
Кэрэ сир баарын мин билбэппин.
Нөмүгүм - өбүгэм дойдута,
Мин дьолум, тапталым биһигэ.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).