АРҔАА ААҺА ТУРДУЛАР

Макар Хара тыллара

Үөрдүм саха ыччатын,
Өргөс кылаан ырыатын,
Арҕаа баран иһэммин,
Аара бүгүн истэммин. '

Бэркэ таптыыр биэбэкэм,
Биэстэ эстэр бинтиэпкэм!

Ыстыыктара кылбаҥныы,
Ыллаатылар сахалыы.
Бигэ тылы этэрдии,
Бирисээгэ биэрдим.

Миигин эрэн, биэбэкэм,
Биэстэ эстэр бинтиэпкэм!

Аргыс, доҕор буоллулар,
Арҕаа ааһа турдулар.
Силлиэ сэрии сыллара,
Сирилиппит тыллара,

Бэркэ таптыыр биэбэкэм,
Биэстэ эстэр бинтиэпкэм!