КҮННЭЙ Печать    
Е. Крылатов тыллара

Сааскы күн сыһыыга тыгыыта
Үлэбэр тиэтэйэн испитим,
Мин эдэр сүрэҕим тэбиитэ
Эмискэ битийэ түспүтэ.

Хатыҥнаах чараҥым быыһынан
Күннэй кыыс элэҥнээн иһэрэ,
Дьиэрэҥкэй тэбиинэн тэлээрэн
Үгүс үөр ньирэйин үүрэрэ.

Дьэдьэннии тэтэркэй имигэр
Сарсыарда саһарҕа кыыһара.
Эдэркээн тэрэгэр түөһүгэр
Ньургуһун сибэкки күлэрэ.

Хап-хара толбонноох суһуоҕун
Аргыыйдык тарыахпын санаатым,
Кутуллар хоһоонноох тойукпун
Маҥнайгы тапталбар анаатым.

Билэҕиэн, Күннэйим, сэгэриэм,
Мин күүстээх кистэлэҥ тапталбын,
Ким миэхэ бэйэбэр сүбэлиэй
Этэр тыл төрүөтүн буларбын.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).