ҮРҮҤ ХАЙА, БЫРАҺААЙ Печать    
Семен Руфов тыллара, Николай Бойлохов мелодията

Кырса, таба киэҥ кыраайа,
Балыгынан кытта баай,
Үтүө дойду — Үрүҥ Хайа,
Үрүҥ хайа, быраһаай.

Хоһуун дьоҥҥун, киэҥ куйааргын
Мин сөбүлүү санаатым,
Муустаах муораҥ бусхаат тыынын —
Чэгиэн тыалын хайҕаатым.

Тула өттүҥ сибэккинэн
Ситэр кэрэ кэмигэр,
Баҕар, кэлин мин эргиллэн
Үктэниэҕим эн сиргэр.

Ол саҕана эн олоҕуҥ
Ордук күүскэ оргуйдун,
Үөрүүҥ-көтүүҥ, дьолуҥ-соргуҥ
Өссө үксээн тоһуйдун!

Кырса, таба киэҥ кыраайа,
Балыгынан кытта баай,
Үтүө дойду — Үрүҥ Хайа,
Үрүҥ Хайа, быраһаай!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).