ЧОЧУР МЫРААН Печать    
Иван Гоголев тыллара

Сааскы киэһэ чэбдик, ыраас,
Сарыал умуллар,
Чочур мыраан, Чочур мыраан
Миигин ыҥырар.

Таптыыр кыыстыын манна тахсар
Олус үчүгэй,
Манна миигин кытта
Ыллыыр күөрэгэй.

Күөдьүй, күөдьүй, көмүс кутаа,
Тапталым курдук,
Сүрэх таптыах, ыллыах тустаах
Олоххо куруук.

Чочур мыраан, Чочур мыраан,
Эн туоһу буолууй —
Үрдүк баҕа санаам,
Үрдүк мин дьолум.

Эдэр сааспын чуордук алҕаан
Кэҕэ чоргуйар,
Чочур мыраан, Чочур мыраан,
Дууһам долгуйар.

Хаххалаама чэбдик тыалтан
Түөскүнэн миигин,
Таптыыр кыыспын кытта
Эн холбоо миигин.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).