ОТОРОЙ-МОТОРОЙ Печать    
Анна Барашкова тыллара

Ойор-сүүрэр, охсор-тэбэр
Орой-мэник мэнигийээннэрим,
Тустар-мөхсөр, холоруктанар
Дьиэ ыһааччы үлэлээхтэр.

Оторой-моторой уолаттарыам,
Күҥҥэ тэҥниир көмүс кыырпахтарыам,
Этэҥҥэ сылдьыҥ, улаатыҥ,
Үтүө-сэмэй дьон буолаарыҥ,
Кэскиллэрим - уолаттарым,
Этэҥҥэ сылдьыҥ, улаатыҥ,
Үтүө-сэмэй дьон буолаарыҥ,
Кэскиллэрим - уолаттарым.

Улаатаҥҥыт, ыраатаҥҥыт
Үлэ-үөрэх төрдүн булаарыҥ.
Кэрэ кэскил тэринэҥҥит
Дьоллоох олохтоох дьон буолаарыҥ.

Оторой-моторой уолаттарыам,
Күҥҥэ тэҥниир көмүс кыырпахтарыам,
Кэрэ-нарын кыргыттары
Кийиит гына аҕалаарыҥ,
Хотойдорум - уолаттарыам,
Кэрэ-нарын кыргыттары
Кийиит гына аҕалаарыҥ,
Хотойдорум - уолаттарыам.

Ийэ-аҕа алгыстарын
Ылан үөрэ-көтө сылдьаарыҥ,
Кынаттанан, кыайыыланан
Олох устун тэҥҥэ хаамсаарыҥ.

Оторой-моторой уолаттарыам,
Күҥҥэ тэҥниир көмүс кыырпахтарыам,
Уҥа-хаҥас өттүбүттэн
Кырдьар сааспар өйүөхтэрэ
Эрэллэрим - уолаттарыам,
Уҥа-хаҥас өттүбүттэн
Кырдьар сааспар өйүөхтэрэ
Эрэллэрим - уолаттарыам,
Кэскиллэрим - уолаттарыам,
Хотойдорум - уолаттарыам...
« Төттөрү
 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".