КҮННЭЭЙИГИМ Печать    
Анна Барашкова тыллара

Хайдах эйиигинэ суох олорбутум эбитэй,
Хайдах бу дьолу билбэккэ сылдьыбытым буолуой?
Кып-кыра сүрэх тапталын миэхэ аныахтааҕын
Тоҕо эрдэ сэрэйбэтэх бэйэбиний?

Хос ырыата:

Күннээйигим, күөрэгэйим,
Нарын-намчы мин сибэкким.
Иэйиибин уһугуннарбыт,
Куһаҕаны умуннарбыт,
Айылҕа дьикти бэлэҕэ -
Кыыс оҕом миэнэ.

Эйиигин көтөҕөммүн түөспэр ыга кууһабын,
Кып-кырылас оройгуттан оргууйдук сыллыыбын.
Ып-ыраас дууһаҕынан куппун-сүрбүн тутаҕын,
Чап-чараас бэйэҥ күүспэр эбии буолаҕын.

Хос ырыата.

Эн үрдүгэр халлааныҥ мэлдьи ыраас буолуохтун,
Эн иннигэр олоҕуҥ суола көнө туруохтун.
Эн дьолуҥ туһугар уон эрэйи мин туоруоҕум,
Эн тускар орто дойдуга олоруоҕум.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).