ЭРЭНЭБИН Печать    
Анна Барашкова тыллара

Эйиигин көрсүбүт киэһээбиттэн
Олоҕум ис хоһооно буолаҕын.
«Эйиигин таптыыбын»,- диэбиккиттэн
Сүрэҕим уот төлөнө буолаҕын.

Хос ырыата:

Күүтэбин эйиигин күнүстэри,
Кэтэһэбин эйиигин түүннэри.
Куһаҕаны барытын кэлэн умуннарыа диэн
Эрэнэбин эйиэхэ, доҕорум.

Дьылҕам булан анаабыт киһибэр
Харыстыыбын эйиэхэ сыһыаммын.
Олох биирдэ эрэ ааһар кэлэн.
Дьол, таптал эмиэ биирдэ бэриллэр.

Хос ырыата.

Билигин аттыбар суох буолларгын
Син-биир ханна эрэ чугас бааргын.
Эйиэхэ кыайан эппэт тылларбын
Ырыа оҥостон ыллыы сылдьабын.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).