ОМУК АНАЛА Печать    
Анна Барашкова тыллара

Хаһан эрэ кыра кыысчаан
Түбүгү билбэккэ
Ийэм хонноҕун анныгар
Көҥүл көрүлүүрүм.
Онтон бэйэм уйа туттан,
Оҕо-уруу буолан
Ыал ийэтэ аатырдарбын
Сонньуйан ылабын.

Хос ырыата:

Ийэбин олус ахтабын,
Суохтуубун, өрүү саныыбын,
Кыыс оҕо – омук анала
Буолан олороммун.

Хойут эмиэ бэйэм курдук
Кыысчааным улаатыа,
Дьолун булуо, ыраах барыа,
Олоҕун оҥостуо.
Улааппыт дьиэтин көрөре
Улам аҕыйыаҕа,
Санаарҕаан кэлэр кэмигэр
Миигин ахтан ылыа.

Ийэм барахсан, кырдьыма,
Ыалдьыма-сүтүмэ,
Хоргуппуттаах буоллаххына
Санааҕар тутума.
Эн бэлэхтээбит тапталыҥ
Сүрэхтэн сүрэххэ
Умуллубатын, умайдын
Үйэттэн үйэҕэ.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".