СТУДЕНТ КЫЫС ЫРЫАТА

И. Варламов тыллара

Тапталбын таайбакка сылдьаҥҥын,
Үөрэххин бүтэрэн бардаҕыҥ.
Табаарыс курдук эн санааҥҥын,
Көннөрү кэпсэтэн аастаҕыҥ.

Хос ырыата:

Үгүс уол оҕоттон ордорон
Эйиигин эрэ мин саныырым.
Үтүмэн чаастары аһаран
Ыалдьара эн тускар сурэҕим.

Сүүс төгүл эн ааккын хатылаан
Бэйэбин уоскутар буоларым.
Билсиэҕин баҕарар уолчаантан
Тапталбын харыстаан куотарым.

Хос ырыата.

Тапталбын таайбакка сылдьаҥҥын,
Үөрэххин бүтэрэн бардаҕыҥ.
Табаарыс курдук эн санааҥҥын,
Көннөрү кэпсэтэн аастаҕыҥ.

Хос ырыата.