КҮНҮМ УОТА Печать    
Лана Юргина тыллара

Сырдык чаҕыл күнүм уотун
Хойуу былыт сабан
Этиҥ этэр, ардах түһэр
Санааны түһэрэн.
Этиҥ ааһыа, ардах сэллиэ,
Күүтэр күнүм үүнүө,
Сылаас сымнаҕас илиитин
Күндү "күнүм" уунуо.

Хос ырыата:

Оччоҕо ырыа ылланыа
Дьон тоҥуй сүрэҕин үөрдэн,
Үрдүк халлааҥҥа талаһыа
Былыттары уҥуордаан.

Хара былыт симэлийэн
Күөх халлаан күлүмнүө —
Мичилийэн, чаҕылыйан
Күнүм тахсан кэлиэ.
Сүрэх кэтэһэр түгэнэ,
Үтүө күнүм үүнүө
"Күндү күнүм" тапталынан
Биһиктэнэн үөрүө.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".