ИСТИҤ ИЭЙИИ БЭЛЭҔЭ Печать    
Лана Юргина тыллара

Дьүкээбил дьэрэкээн көстүүтүн,
Дьэргэлгэн дьиэрэҥкэй үҥкүүтүн,
Күннээх күөл нап-нарын ырыатын,
Сүрэҕиҥ кистэлэҥ иэйиитин
Сып-сылаас сымнаҕас маҥнайгы
Маҥан хаар кыыдамар суулааҥҥын,
Харыстаан сэрэнэн-сэрэнэн
Миэхэҕэ бэлэхтээн эн ууннуҥ.

Айылҕам уһуктар үөрүүтүн,
Үрүҥ күн сыдьаайа тахсыытын,
Төрөөбүт төрүт-буор түөлбэҕэр
"Үөр куба тайаара көтүүтүн,
Сып-сылаас сымнаҕас сайыҥҥы
Өҥ ардах таммаҕар суулааҥҥын,
Харыстаан сэрэнэн-сэрэнэн
Миэхэҕэ бэлэхтээн эн ууннуҥ.

Дьүкээбил дьэрэкээн көстүүтүн,
Дъэргэлгэн дьиэрэҥкэй үҥкүүтүн,
Күннээх күөл нап-нарын ырыатын,
Сүрэҕиҥ кистэлэҥ иэйиитин
Сып-сылаас сымнаҕас маҥнайгы
Маҥан хаар кыыдамар суулааҥҥын,
Харыстаан сэрэнэн-сэрэнэн
Миэхэҕэ бэлэхтээн эн ууннуҥ.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).