УМАЙЫЫЙ, СҮРЭҔИ ҮӨРДЭҤҤИН Печать    
Лана Юргина тыллара

Олоҕум түөрэккэй тыытыгар
Олорсон сүүрүгү өксөйөбүн,
Күлүгүн чуумпуга көрунэр
Ол ыйы чуумпуга көрүнэр.

Туманы быыһынан симиктик
Умайар күлүһүн уотугар
Уунабын илиибин сэрэнэн
Кутааны күөртэһэр баҕалаах.

Хос ырыата:

Умайыый, умайыый,
Сүрэҕи үөрдэҥҥин,
Умайыый, сырдатан
Күн тахсар аартыгын.

Тулалыыр айылҕам иһийэн
Сүрэхпит тэбэрин иһиттэ,
Тапталбыт кутаатын уотугар
Тахсар күн сарыала оонньосто.

Хос ырыата.

Олоҕум түөрэккэй тыытыгар
Олорсон сүүрүгү өксөйөн,
Күлүгүн чуумпуга көрүнэр
Ол ыйы көрөммүн үөрэбин.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).