СУРУКТАР Печать    
Алексей Бандеров тыллара

Субуһан ааһаллар хонуктар,
Сыталлар иннибэр суруктар,
Ама да ол кэмнэр аасталлар,
Ардыгар санаабар сөҥөллөр.
Баҕар, эн миигиттэн, доҕоруом,
Баламат санааттан хоргутан
Көрсүһэн, кэпсэтэн ааһыаххын
Баҕарбат да буолбат сүрэҕиҥ.

Хос ырыата:

Күүтүө диэн эрэнэр да этим,
«Күүтүөҕүм» - диэн суруйар этиҥ.
Тоҕо мин эрэлим туолбата,
Толору миэхэ дьол биэрбэтэ.

Кэтэһэр кэм кэрдии да ааһар,
Кэлбэт эн суругуҥ сатаатар:
Сүрэҕиҥ сылааһа сойбутуон,
Тапталыҥ иэйиитэ сүппүтүөн.

Хос ырыата.

Субуһан ааһаллар хонуктар,
Сыталлар иннибэр суруктар,
Ама да ол кэмнэр аасталлар,
Ардыгар санаабар сөҥөллөр.
Баҕар, эн миигиттэн, доҕоруом,
Баламат санааттан хоргутан
Көрсүһэн, кэпсэтэн ааһыаххын
Баҕарбат да буолбат сүрэҕиҥ.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).